ლასანა დიარა

სრული სახელი და გვარი: ლასანა დიარა

დაბადების თარიღი: 1985 წლის 10 მარტი

დაბადების ადგილი: პარიზი, საფრანგეთი

სიმაღლე: 170 სმ

სათამაშო პოზიცია: საყრდენი ნახევარმცველი, მარჯვენა მცველი
საკლუბო კარიერა:

2003-2005 “ლე ავრი” 29 (0)

2005-2007 “ჩელსი” 30 (0)

2007-2008 “არსენალი” 13 (0)

2008-2009 “პორტსმუთი” 41 (3)

2009- “რეალი”

სანაკრებო კარიერა:

2005-2006 საფრანგეთი(21-წლ.) 6 (0)

2007- საფრანგეთი 16 (0)

მიუხედავად ახალგაზრდული ასაკისა, ლასანა დიარა უკვე საკამოდ გამოცდილი მოთამაშეა. ის მოედნის ცენტრის გასაძლიერებლად გადაიბირეს, თუმცა ფრანგს ასევე შეუძლია მარჯვენა მცველის ფუნქციების შესრულება. დიარა “სამეფო კლუბის” რიგით მესამე შენაძენია მიმდინარე ზამთრის სატრანსფერო სეზონზე.

საფრანგეთის ნაკრების ფეხბურთელს კარიერის ძირითადი ნაწილი ინგლისში აქვს გატარებული. მისი ახალგაზრდული კარიერა კი “ნანტის” იუნიორთა კლუბში დაიწყო, საიდანაც ის “ლე მანში” გადაბარგდა და საფრანგეთის მეორე დივიზიონშიც იასპარეზა. მისი ბოლო ფრანგული კლუბი კი “ლე ავრი” გახლდათ(2003-2005).

ლასანას კარგი თამაში არც “ჩელსის” ხელმძღვანელებს გამოპარვიათ და 2005 წელს ის ლონდონურ კლუბშიც გადავიდა. ამასთანავე, გახდა ყველაზე ახალგაზრდა ფეხბურთელი “არისტოკრატთა” ისტორიაში. “ლურჯებთან” ერთად ფრანგმა პრემიერლიგა და ინგლისის თასი მოიგო. არსენ ვენგერის “არსენალში” კი დიარა მხოლოდ ნახევარი სეზონი გაჩერდა, რის შემდეგაც ის “პორტსმუთს” შეუერთდა. ამ კლუბში კი ლასანა პრემიერლიგის ერთერთ საუკეთესო ფეხბურთელად იქცა.



ბოლო ხანებში ლასანას პოზიციაზე საფრანგეთის ნაკრების ღირსებას ისეთი დიდებული ფეხბურთელები იცავდნენ, როგორებიც იყვნენ: მარსელ დესაი, პატრიკ ვიეირა და კლოდ მაკელელე. შეიძლება ამ მოთამაშეების გვერდით დიარაც დავაყენოთ, რომელიც მათ სათამაშო სტილით ძალიან ჰგავს. ლასანა ფიზიკურად ძლიერია, მოედნის კარგი ხედვა აქვს და დაცვასაც ხშირად ეხმარება. მიუხედავად არც ისე დიდი სიმაღლისა, დიარა შეუდარებელია საჰაერო ორთაბრძოლებში და ამასთან მას ძალიან ხშირად გააქვს გოლები შორეული დარტყმებით. ამას ისიც დაუმატეთ, რომ ლასანა მხოლოდ საყრდენი ნახევარმცველის ფუნქციებს არ ასრულებს. საჭიროების შემთხვევაში, მისი გამოყენება მარჯვენა მცველის პოზიციაზეც შეიძლება.

ტიტულები:

ინგლისის ლიგის თასი(ჩელსი, 2007),

ინგლისის ასოციაციის თასი(ჩელსი, 2007),

ინგლისის ასოციაციის თასი(პორტსმუთი, 2008).